Преподобный Елеазар Анзерский

Преподобный Елеазар Анзерский родился в городе Козельске в семье купцов Севрюкиных. По благословению родителей, он удалился в Соловецкий монастырь, где принял постриг от игумена преподобного Иринарха (+ 1628; память 17 июля). В монастыре открылось его удивительное художественное дарование: он обучился резьбе по дереву и участвовал в украшении Преображенского собора. В 1612 году, по благословению игумена, он удалился на Анзерский остров, где стал отшельником и постоянно пребывал в молитве и Богомыслии. Чтобы добыть себе пропитание на пустынном острове, преподобный Елеазар вырезал деревянные чашки, которые оставлял на пристани. Проплывавшие мимо острова забирали чашки, а взамен оставляли припасы. В 1616 году преподобный Елеазар был пострижен в схиму . Иноки, собравшиеся вокруг преподобного, образовали скит со строгим уставом иноческого жития по древнему образцу. Монашеские келлии были построены далеко одна от другой. Отшельники собирались вместе только для субботних и воскресных Богослужений. Келейная молитва сочеталась с тяжелым телесным трудом. Среди учеников преподобного Елеазара был священноинок Никита, будущий Патриарх Никон. Царь Михаил Феодорович (1613 - 1645), зная о подвижнической жизни святого, вызывал его в Москву. Там преподобный Иринарх предрек ему рождение сына, за что царь щедро одарил его и помог устроить на острове каменный храм во Имя Пресвятой Троицы и обитель. Преподобный Елеазар занимался книгописанием. Он составил и переписал три книги "Цветника", в которые вошли старинные повести. Ему принадлежит также толкование на чин келейного монашеского правила. Скончался преподобный Елеазар в глубокой старости.

Приведённый ниже акафист преподобному составлен специально для чтения в Козельске. Рукописный экземпляр акафиста храннится у иеродиакона Елеазара (насельника Оптиной пустыни, ныне жителя Афона), он был ему дан о. Елеазару благочинным Козельского округа протоиереем Валерием Даниличевым (†02.11.2008)

. В конце акафиста приписка: "1956 28 марта. Благословляетсяк прочтению в г. Козельске в день памяти преподобного. Епископ Онисиф. " и епархиальная печать.

http://www.solovki-monastyr.ru/pod-8.htm

Акафист преподобному Елевзару составленный для жителей Козельска, чающих его молитвенной помощи.

Тропарь гл. 3

Отве́рг пло́ти тле́нныя, / Нетле́нных потща́лся еси́ дости́гнути. / И мiра удали́вся, /
всели́лся еси́ в морски́й о́стров / И на нем усе́рдно мно́га ле́та Го́сподеви порабо́тал еси. /
Сего́ ра́ди и дары́ прозре́ния и чуде́с обогати́лся еси, / Отче преподо́бне Елеаза́ре, /
Христа́ Бо́га моли́ дарова́ти нам мир и ве́лию ми́лость.

Кондак 1.

Избра́нного Бо́жия служи́теля, пресла́вного строи́теля и управи́теля скита́ А́нзерского во мно́гих чудесе́х возсия́вшаго и за лю́ди правосла́вныя ны́не на небесе́х усе́рдно Го́сподеви моля́щагося, похва́льными пе́сньми почти́м, зову́щее: Ра́дуйся, преподо́бне Елеаза́ре, Анзе́рский Чудотво́рче.

Икос 1 .

А́нгелом земны́м, просла́вленным уго́дником Бо́жиим, поревнова́л еси, Преподо́бне, духа моли́твы, смиренному́дрия и воздержа́ния стяжа́вый от ю́ности, еще в дому́ роди́телей твоих, от них же восприя́л еси благоче́стия о́браз и благослове́ние изы́ти в стра́ны се́верныя, оби́тель Солове́тскую. Сего ради с любо́вию взыва́ем ти:
Ра́дуйся, гра́да Козе́льска Богоизбра́нное ча́до; ра́дуйся, роди́телей благочести́вых ра́досте и утеше́ние. Ра́дуйся, от младе́нчества Христа возлюби́вый; ра́дуйся, от ю́ности до́бре Тому послужи́вый. Ра́дуйся, дом и град оте́ческий оста́вивый; ра́дуйся, го́рняго Иерусали́ма пла́менне взыска́вый. Ра́дуйся, бога́тство и ра́дости мiра сего возненави́девый; ра́дуйся, на подвиг и́ноческий благослове́ние от Боголю́бивых родителе́й прие́мый. Ра́дуйся, преподо́бне Елеа́заре, А́нзерский Чудотво́рче.

Кондак 2.

Ви́дя иѓумен Ирина́рх ре́вностное по Бо́зе житие́ твое, Елеаза́ре, поще́ние, непреста́нную моли́тву и в послуша́нии усе́рдное терпе́ние возлюби́ тя, яко и́стиннаго и́нока Бо́жия, и чину А́нгельскому сопричте́ тя, ра́дуяся и Бо́гу о тебе вопия́: Аллилуйя!

Икос 2.

Ра́зум Богомы́сленный име́я, не ища́ сла́вы тле́нной, но и́стинному Богоугожде́нию прилежа́, прия́л еси от игу́мена  благословение оста́вити оби́тель Солове́цкую и пресели́тися на остров пусты́нный А́нзерский. Мы же ре́вности твое́й о спасе́нии дивя́щеся, зове́м ти: Ра́дуйся, пусты́ннаго жития́ ревни́телю; ра́дуйся, убо́гой хи́жины смире́нный обита́телю. Ра́дуйся, гла́са челове́ческаго мно́гая не слы́шивый; ра́дуйся, еди́ных звере́й ди́виих и птиц сожи́телю. Ра́дуйся, тя́жкими трудами и лише́ниями плоть свою изнури́вый; ра́дуйся, нощны́м бде́нием и моли́твою дух свой укрепи́вый. Ра́дуйся, яко сподо́бился посеще́ния Цари́цы Небе́сной; ра́дуйся, яко от Нея́ че́тки и трость прия́л еси. Ра́дуйся, преподо́бне Елеа́заре, А́нзерский Чудотво́рче.

Кондак 3.

Силу на тече́ние подвижни́ческаго жития́ да́руя ти, Пресвята́я Богоро́дица: Дерза́й и крепи́сь, яко с тобо́ю Госпо́дь! Та́же повеле́ начерта́ти на две́ри ке́лии твоей: Христо́с с нами уста́вися. Еже сотвори́в по слову Ея, воспе́л еси Бо́гу: Аллилу́йя!

Икос 3.

Иму́щи в па́мяти о́браз дре́вних пустынножи́телей, иже пропита́ние себе́ де́юще труда́ми рук свои́х, та́же и ты, святы́й Елеаза́ре, твори́л еси́ сосу́ды деревя́ны, и́хже полага́л еси́ на бре́зе морсте́м, и мимоходя́щии на корабле́х купцы́, взе́млюще я, оставля́ху хлеб и пропита́ние неви́димому тру́днику Бо́жию: ни ты бо, Отче, ни о́ныя ли́ца друг друга зряху. Сему́ о́бразу пропита́ния твоего умиля́ющеся, воспева́ем ти си́це: Ра́дуйся, подвигополо́жником мона́шества уподо́бивыйся; ра́дуйся, от трудо́в рук твоих пита́выйся. Ра́дуйся, утаи́вый лице́ свое пред людьми мiра сего; ра́дуйся, безмо́лвия своего не наруши́вый сре́тением челове́ка. Ра́дуйся, удали́выйся бе́гая собла́знов и в пусты́ни водвори́выйся; ра́дуйся, ча́ющий Бога, спаса́ющего от малоду́шия и бу́ри. Ра́дуйся, иго Христо́во на рамена́ восприе́мый; ра́дуйся, бре́мя Его ле́гкое чрез все житие́ свое пронесы́й. Ра́дуйся, преподо́бне Елеа́заре, А́нзерский Чудотво́рче.

Кондак 4.

Бу́ри напа́стей жите́йского мо́ря бежа́вый и к ти́хому приста́нищу притеки́й подви́жник Солове́цкий Фирс сре́те тя, святы́й Елеаза́ре, в пусты́ни твое́й и постриже тя в схи́му, ю́же прии́мше, умно́жил еси́ труды́ и бде́ния твоя, де́нно и но́щно поя Богу: Аллилу́йя!

Икос 4.

Слышаще́ челове́цы пустыннолюби́вии добро́ту кра́сную жития́ и по́двигов твоих, Преподо́бне, притеко́ша к тебе, прося́ще окормле́ния на пути спасе́ния души́. Ты же, святы́й Елеаза́ре, не отрину́л еси жа́ждущих т́есными врат́ами в Ца́рствие Небе́сное вни́ти, и та́ко созда́ся скит А́нзерский, в нем же па́стырем и наста́вником был еси́ слове́сных твоих ове́ц, взыва́ющих к тебе такова́я: Ра́дуйся, до́брый мона́хов наста́вниче; ра́дуйся, ди́вный А́нгелов собесе́дниче. Ра́дуйся, в по́двизех вели́ких о́браз и́стиннаго мона́шества показа́вый; ра́дуйся, тя́жкими вери́гами и поще́нием плоть свою умертви́вый. Ра́дуйся, теле́сными труда́ми бра́тии послужи́вый; ра́дуйся, мно́гия свяще́нныя кни́ги для бра́тии руко́ю твое́ю написа́вый. Ра́дуйся, светоза́рными виде́ньми мно́гажды от Цари́цы Небе́сныя ди́вная обетова́ния прие́мый. Ра́дуйся, преподо́бне Елеа́заре, А́нзерский Чудотво́рче.

Кондак 5.

Боготе́чною звездо́ю возсия́л еси, Елеаза́ре, не то́кмо на острова́х Солове́цких, но и в се́рдце Ру́сския земли: не мо́жет бо град укрепи́ться на верху́ горы́ стоя́ше, ниже́ свеща́ на све́щнице возже́нная! Та́ко и тебе, пустыннолю́бче, си́льнии мiра се́го позна́ша и умили́вшееся сердца́ми свои́ми, Богу воспе́ша: Аллилуйя!

Икос 5.

Ви́дя патриа́рх Филаре́т жела́ние се́рдца твоего и сподви́жников твоих, Елеаза́ре, повеле́ воздви́гнути на о́строве А́нзерстем храм во Имя Святы́я Живонача́льныя Тро́ицы, последи́ же и бре́мя управле́ния бра́тством ски́тским возложи́ на тя, Преподо́бне отче, а́ще сего и уклоня́лся еси. Мы же видя́ще процвета́ние оби́тели твоея́, радостно взыва́ем си́це: Ра́дуйся, ма́лое твое ста́до до́бре управля́яй; ра́дуйся, вели́ких в нем муже́й воспита́вый. Ра́дуйся, Ни́кона, патриа́рха всея́ Руси́, в среде́ бра́тии твое́й име́вый; ра́дуйся, до конца живота́ дру́гом его возлю́бленным пребы́вый. Ра́дуйся, злоумы́шленных от пути́ поги́бельнаго отврати́вый моли́твою твоею; ра́дуйся, зло́е наме́рение покая́вшимся прости́вый. Ра́дуйся, ко́зни врага́ диа́вола победи́вый смире́нием твоим; ра́дуйся, кре́пость того́ низложи́вый моли́твою Иису́совой. Ра́дуйся, преподо́бне Елеа́заре, А́нзерский Чудотво́рче.

Кондак 6.

Пропове́дник си́лы Бо́жия яви́лся еси, Преподо́бне Елеаза́ре, егда́ предре́кл еси́ рожде́ние сы́на царе́ва Алекси́я. Сему́ же проро́честву сбы́вшуся, возопи́ша вси к просла́вльшему тя Богу: Аллилуйя!

Икос 6.

Воссия́л еси, яко свети́ло доброзра́чное на небе полу́нощнем, блаже́нне Елеаза́ре, луча́ми благода́ти Госпо́дней, оби́льно ти даро́ванной, просвеща́я души паствы́ твоей, вопию́щей ти такова́я: Ра́дуйся, любви к Богу и бли́жнему неуста́нный учи́телю; ра́дуйся, чад твоих духо́вных му́дрый окорми́телю. Ра́дуйся, презира́ти блага́ мiра сего внуша́яй; ра́дуйся, о душе́, вещи́ безсме́ртней, прилежа́ти науча́яй. Ра́дуйся, си́лу Бо́жию в ви́де голуби́не над глава́ми достой́ных и́ноков зре́ти сподо́бивыйся; ра́дуйся, согреши́вшаго брата Ти́хона кро́ткое вразумле́ние. Ра́дуйся, А́нзерскаго скита́ кре́пкое забра́ло; ра́дуйся, ди́вная того́ похлаво́ и слава. Ра́дуйся, преподо́бне Елеа́заре, А́нзерский Чудотво́рче.

Кондак 7.

Хотя́ укрепити́ оби́тель  твою, Преподо́бне отче, яви́ся ти в це́ркви Святы́я Тро́ицы Пресвята́я Богоро́дица и рече́: Храни́те за́поведи Христо́вы и устро́те храм во имя Мое́. Слы́ша же сия́ возра́довался еси ра́достию вели́кою, Го́споду Бо́гу поя́: Аллилуйя!

Икос 7.

Но́вая ка́менная церковь Зна́мения Пресвяты́я Богородицы устро́ися твоими, Преподобне Строителю, трудами и по́ты, и многими скорбями, ихже претерпе́л еси му́жественно, силою Вышняго укрепля́емь. Сего ради зове́м ти: Радуйся, блаже́нне, неправедое гонение понесый; радуйся, в терпении душу свою стяжа́вый. Радуйся, гла́сом небесным на пути скорбе́й укрепле́нный; радуйся, страданием дивно просветле́нный. Радуйся, яко твоими трудами храм Пречистей Богоматери устро́ися; радуйся, яко братия А́нзерская о сем возвеселися. Радуйся, се́яй многими слеза́ми; радуйся, с радостию взе́мляй рукояти своя. Ра́дуйся, преподо́бне Елеа́заре, А́нзерский Чудотво́рче.

Кондак 8.

Стра́нен и непостижим чадом мiра сего образ всего твоего жития́ яви́ся: от юности бо отре́клся еси благ тленных, яже человецы взыску́ют, ле́та младыя в уедине́нии на остове ди́виим ижди́вый в по́двизех тя́жцех, в старости масти́те та́же покоя телеснаго не имевый. Мы же любовию чтуще память твою, Елеазаре, яко вернаго раба Гопо́дня, о тебе Богу поем: Аллилуйя!

Икос 8.

Весь был еси Христов, Елеазаре, восходя́ от силы в силу ле́ствицею добродетелей, и прибли́жившися ко исходу твоему, благословил еси возлюбленная чада твоя, иноки А́нзерския, вручив о́ная другу и сподви́жнику твоему Никоди́му, и тако с миром отошел еси ко Господу. Взира́юще же на блаженную кончину твою, зове́м ти таковая: Радуйся, Христа Бога ра́бе благий и верный; радуйся, призва́нный от нощи жития тленного в свет невечерний. Радуйся, добре потрудивыйся в винограде Господа твоего; радуйся, праведную за сие мзду прие́мый. Радуйся, от перваго часа́ порабо́тавший; радуйся, светильник от юности до последнего дне твоего неугасим соблюды́й. Радуйся, с ним во врата жизни вечныя лику́я вше́дый; радуйся, от сонма другов твоих небесных в веселии  прия́тый. Радуйся, преподобне Елеазаре, А́нзерский Чудотворче.

Кондак 9.

Вси в житии сем крест яко ярем вземшии и Христу Богу после́довавшии верою прии́мут венцы нетленныя и почести небесныя, имже приобщивыйся, смиренне Елеазаре, пред престолом Вседержителя Бога присно воспеваеши: Аллилуйя!

Икос 9.

Витийствующий суему́дренно ум не возможет постигнути, како праведник и по смерти живет, святым покро́вом молитвы защищая верныя от всяких бед и напастей. Иноцы же А́нзерстии, удосто́енныя многажды видети чудеса, святым Елеазаром по смерти явле́нныя, взываху чистым сердцем и умом смиренным сицева́я: Радуйся, Елеазаре, в болезнех безмездный врачу́; радуйся, иеромонаха Измаила недугующа исцеливый. Радуйся, лишившемуся ума иноку Онуфрию здравый смысл возвративый; радуйся, явлением твоим многих возвеселивый. Радуйся, живописцу иноку Макарию представый; радуйся, яко той виде́нием твоим вразуми́ся, како икону твою изобразити. Радуйся, строителя Исаию от потопления спасый; радуйся, бедствующим в плавании путь к обители сотворивый. Радуйся, преподобне Елеазаре, А́нзерский Чудотворче.

Кондак 10.

Спасти хотя иноки, плавающия на льдине в нощи и близ потопления сущия, явился еси им отче Елеазаре, на краю сея льдины сто́я и управляя путь ея ко бре́гу А́нзерскому. Тии же, видящее спасение свое, прославиша тя, заступника своего, радостно Богу вопиюще: Аллилуйя!

Икос 10.

Стена был еси скиту А́нзерскому, его же возлюби душа твоя, преподобне Елеазаре, в немже толи́кия труды и скорби понесый, толи́кия благодати исполнился еси. О сем же веселящеся, вернии ученицы́ твоя воспеваху ти си́це: Радуйся, в житии своем скит создавый и снабдевавый е́; радуйся, по кончине своей того не оставляяй. Радуйся, о нем непрестанный ко Господу молитвенниче; радуйся, и всякой души Христианстей в ско́рбех помощниче. Радуйся, притекающих к тебе с верою и любовию не отвергаяй; радуйся, то́ки благодати Божией неоскудно источаяй. Радуйся, земны́й Ангеле и небесный человече; радуйся, горняго вертограда кри́не неувядаемый. Радуйся, преподобне Елеазаре, А́нзерский Чудотворче.

Кондак 11.

Пение всеумиле́нное принесем Христу Богу нашему, грешнии и смирении, о даровании великого Его угодника Елеазара, не токмо скиту А́нзерскому, но и всему роду православному, благодарне вопиюще: Аллилуйя

Икос 11.

Светозарна светильника, святый Елеазаре, яви тя Господь, в житии́ твоем дивных виде́ний сподобивый тя, по кончине же твоей чудес дарованием тя прославивый, еще же и тело твое святое нетленно сохранивый; его же обре́тение радостно почитаем, поющее: Радуйся, душею безсмертною веселяйся в обителех радости; радуйся, телом проповедуяй нетление святых мощей. Радуйся, яко дар многоценный тело твое скиту оставивый; радуйся, к ра́це мощей твоих притекающих скорый послушниче. Радуйся, иноков благонадежное прибежище; радуйся, в мiру спасающихся помощь и укрепление. Радуйся, неусыпный о нас молитвенниче; радуйся, за нас грешных теплый пред Богом заступниче. Радуйся, преподобне Елеазаре, А́нзерский Чудотворче.

Кондак 12.

Благодать Святаго Духа обильно излияся на тя, блаженне Елеазаре, егоже главы невидимых змие́в победив, стадо твое добре управил еси, и все течение жизни твоея непорочне соблюл еси и восшед в радость Господа твоего, радуяся, поеши Ему: Аллилуйя!

Икос 12.

Поюще подвиги многотруднаго жития твоего, мысленно обтекаем путь твой от малых лет до смертнаго одра́ твоего, зовущее ти си́це: Радуйся, рабе Божий смиренный; радуйся, служителю Его благий и верный. Радуйся, монахов радосте; радуйся, среди мiра живущих рабов Божиих благоговейное удивление. Радуйся, скорби сла́дце терпевый; радуйся, венец победы стяжавый. Радуйся, небесных веселие; радуйся, земных отрадо. Радуйся, преподобне Елеазаре, А́нзерский Чудотворче.

Кондак 13.

О, дивный и светлый заступниче, Елеазаре блаженне! Прими́ от нас недостойных сии малые да́ры, тебе от чистого сердца приносимыя; сохрани, благослови и от всяких бед избави сильною твоею молитвою отеческий град твой Козельск и люди живущия в нем, иже собравшиеся во святе́м храме сем, чтуще честную память твою, воспевающее о тебе Богу: Аллилуйя! (Трижды).

По сем: Икос 1. и Кондак 1.

Молитва.

О, святы́й Елеазаре, преподобне отче наш! Ныне на небесе́х с го́рними силами лику́яй, приклони светозарное лице твое к нам, в нощи многоскорбнаго жития сего сущим; воспомяни́ во святых молитвах твоих пред престолом Господа Сил град твой Козельск, идеже процвете́ младенчество и непорочная юность твоя. Сохрани, защити и ко спасению упра́ви нас, сородичей твоих, чтущих святое равноангельское житие твое. Не остави нас на пути земна́го нашего странствия, и в час кончины нашей избави от темных и злых духо́в и невозбранно сподоби нас вни́ти в чертог славы пренебесной, да с тобою купно восхва́лим Пресвятую и Живоначальную Троицу в безконечныя веки. Аминь.

 

 
         

Каталог Православное Христианство.Ру

© "Линия Билибина"